Выходзяць па-беларуску «Марсіянскія хронікі» Брэдберы
Выдавецтва «Янушкевіч» паведаміла пра старт папярэдняга заказу на беларускі пераклад «Марсіянскіх хронік» Рэя Брэдберы. Рэальныя продажы выдання павінны пачацца праз месяц.
«Гэтая кніга пра людзей, якія паляцелі на Марс шукаць будучыню, а знайшлі… сябе. Час адправіцца ў гэтае міжпланетнае падарожжа разам з Брэдберы і ўспомніць, што часта найважнейшыя адкрыцці пачынаюцца не з ракет, а з сэрца», — анансуецца новае выданне ў сацсетках выдавецтва.
Кніга будзе ў цвёрдай вокладцы, на 312 старонках.
Старт продажаў анансаваны на 18 лютага, адпраўка папярэдніх заказаў поштай пачнецца на дзень раней.
Афармляць папярэдні заказ прапануецца на сайце knihauka.com у раздзеле Preorder.
Чытайце таксама:
«Ідзі адзін». Чаму Пятровіча чытаюць не так, як Бахарэвіча?
Філосаф Анціпенка напісаў кнігу пра паэзію, сэкс і рэлігію
У Аляксандра Чарнухі днямі выходзіць новая кніга. Пра што гэтыя апавяданні?
Платон Станкевіч — запомніце гэтае імя. Магчыма, нарадзіўся новы пісьменнік