БЕЛ Ł РУС

«Філадэльфія Іглз» выйграла Супербоўл — галоўную спартыўную падзею ЗША

10.02.2025 / 8:4

Nashaniva.com

У ноч на 10 лютага ў Новым Арлеане адбыўся фінал сезона Нацыянальнай футбольнай лігі (НФЛ) — Супербоўл LIX.

Фота: Matt Slocum / AP

У вырашальным матчы па амерыканскім футболе сустрэліся дзейныя чэмпіёны «Канзас-Сіці Чыфс» і чэмпіёны 2017 года «Філадэльфія Іглз». Гульня завяршылася перамогай «Філадэльфіі» з лікам 40:22.

Першыя тры чвэрці прайшлі пад дыктоўку «Іглз»: 7:0, 17:0, 10:6. У апошняй чвэрці «Чыфс» здолелі выйграць з лікам 16:6, але гэтага было недастаткова для агульнай перамогі. Такім чынам, «Канзас-Сіці Чыфс» не здолелі заваяваць чэмпіёнскі тытул трэці год запар, хоць два папярэднія турніры былі за імі.

«Супербоўл», што звычайна праводзіцца ў першую ці другую нядзелю лютага, з'яўляецца галоўнай спартыўнай падзеяй года ў ЗША, аўдыторыя складае ў ЗША больш за 100 млн гледачоў. 30-секундны рэкламны ролік складае 8 млн даляраў.

Хэдлайнерам традыцыйнага шоу ў перапынку матча стаў амерыканскі рэпер і хіп-хоп-выканаўца Кендрык Ламар. Спецыяльнай госцяй яго выступлення была абвешчана спявачка SZA.

Чытайце таксама:

Каментары да артыкула