Хаўер Мілей падарыў Маску бензапілу ФОТАФАКТ
Падчас Канферэнцыі кансерватыўных палітычных дзеянняў у Вашынгтоне 20 лютага прэзідэнт падарыў мультымільярдэру бензапілу, з аналагам якой Мілей з'яўляўся на перадвыбарчых мітынгах у Аргенціне.
Фота: Jose Luis Magana / AP
Маск выйшаў на сцэну ў чорнай кепцы з надпісам «Make America Great Again» і паведаміў, што Хаўер Мілей падрыхтаваў для яго падарунак, паведамляе AP.
Тады прэзідэнт Аргенціны падняўся на сцэну з чырвонай бензапілай і ўручыў яе Маску. На бензапіле быў напісаны лозунг Мілея: «Viva la libertad, carajo!» У перакладзе з іспанскай гэта азначае «Жыве свабода, ёлкі палкі»
Маск, каментуючы падарунак, заявіў: «Гэта бензапіла для бюракратыі».