Галоўны трэнер гродзенскага «Нёмана» атрымаў падчас матчу чырвоную картку за непрыстойны жэст ВІДЭА
Інцыдэнт адбыўся ў самым канцы матчу 1/8 фіналу Кубка Беларусі, у якім гродзенскі «Нёман» сустракаўся з мінскім «Дынама».
Менавіта за гэты жэст Ігар Кавалевіч быў выдалены з поля. Фота: pressball.by
Матч адбываўся на мінскім стадыёне «Дынама-Юні», і на ім узнік канфлікт галоўных трэнераў «Нёмана» Ігара Кавалевіча і «Дынама» Вадзіма Скрыпчанкі.
Абодва настаўнікі атрымалі папярэджанні ад арбітра сустрэчы, а кіраўнік гродзенцаў і ўвогуле быў выдалены за непрыстойны жэст, з-за чаго быў вымушаны сустракаць фінальны свісток на трыбуне.
«Нёман» у выніку выйграў гэты матч з лікам 2:0 і выйшаў у чвэрцьфінал Кубка Беларусі. Незадоўга да гэтага, 22 лютага, гэтыя самыя каманды сустрэліся ў матчы Суперкубка Беларусі, і там мацнейшыя былі дынамаўцы — 2:1.
Чытайце таксама:
Мінскае «Дынама» выйграла Суперкубак Беларусі па футболе
Лёсаванне чэмпіянату Беларусі па футболе прайшло ў Брэсцкай крэпасці