Украіна прадала 61 вагон арыштаваных беларускіх угнаенняў
Нацыянальнае агенцтва па вышуку і менеджменце актываў Украіны (АВМА) прадало 61 вагон арыштаванага беларускага калію.
Фота ілюстрацыйнае
«Рэалізаваная прадукцыя вытворчасці ААТ «Беларуськалій», якая знаходзіцца ў 61 чыгуначным вагоне, аб'ёмам 4 299 тон хларыду калію. Выніковая сума рэалізацыі склала 45 516 321 грыўняў [каля 1 мільёна даляраў], уключаючы мытныя плацяжы», — паведамляе АВМА.
АВМА пачала продаж арыштаваных беларускіх угнаенняў у лістападзе 2024 года. На продаж было выстаўлена 10 лотаў агульнай масай 30 431 тон (433 вагоны).
У снежні мінулага года было прададзена 116 вагонаў калію, у студзені гэтага года — 34 вагоны, у лютым — дзве партыі па 56 і 50 вагонаў.
Чытайце таксама:
Урад паэксперыментуе з пастаўкамі тавараў у далёкія краіны
Чаму тры гады вайны не абрынулі эканомікі Расіі і Беларусі? І што будзе, калі заключаць перамір'е?
Што будзе ў выпадку, калі ЗША прыпыніць санкцыі на беларускі калій і банкі