Нацыянальны мастацкі музей змяніў дызайн білетаў. Як вам?
Цяпер на іх адлюстраваны тры вясеннія творы з калекцыі музея.
Новы дызайн уваходных білетаў Нацыянальнага мастацкага музея Беларусі. Фота: тэлеграм-канал «Ваш Художественный».
Пра абнаўленне дызайну паведамляе тэлеграм-канал «Ваш Художественный».
Гэтай вясной пярэдні бок білетаў упрыгожаць творы Станіслава Жукоўскага «Старая сядзіба», Канстанціна Касмачова «Рэчыцкая лірычная» (фрагмент трыпціха) і Мікалая Таранды «Майская сюіта».
Новая канцэпцыя дызайну білетаў пачала рэалізоўвацца ўлетку 2023 года. Цяпер білеты абнаўляюцца пры кожнай змене сезону, і такім чынам можна сабраць сваю невялікую калекцыю.