Маск страціў $148 мільярдаў за два месяцы, але ўсё адно застаецца самым багатым чалавекам на Зямлі
Багацце Маска цяпер ацэньваецца ў 321 мільярд даляраў, аднак яно імкліва змяншаецца. Асноўная прычына — падзенне акцый Tesla больш чым на 40% пасля інаўгурацыі прэзідэнта Дональда Трампа, паведамляе Bild.
Ілан Маск. Фота: Matt Rourke / AP
Выступаючы ў ролі змагара з бюракратыяй, Маск нанёс сур’ёзную рэпутацыйную шкоду як сабе, так і сваёй кампаніі. Яго крытыкуюць за масавыя звальненні, якія праціўнікі называюць адвольнымі. Традыцыйная кліенцкая база Tesla — ліберальна настроеныя пакупнікі — паступова адварочваюцца ад кіраўніка кампаніі.
У лютым Tesla прадала 43 650 аўтамабіляў, што на 6% менш, чым за той жа перыяд летась. У Еўропе паведамляюць пра падзенне продажаў на 75% у апошні час. Больш за тое, агрэсіўныя актывісты падпальваюць аўтамабілі Tesla і размалёўваюць шоурумы надпісамі кшталту «Нацысты».
Усё гэта выклікае сур’ёзнае занепакоенне ў інвестараў. Інвестыцыйны банкір Рос Гербер ужо заклікаў Маска пакінуць пасаду кіраўніка Tesla, паколькі яго «таксічны вобраз» шкодзіць кампаніі.
Чытайце таксама:
Ілан Маск заклікаў супрацоўнікаў Tesla не прадаваць акцыі
«Ён сябраваў з цемнаскурым слугой». Бацька Ілана Маска запэўніў, што ягоны сын не расіст