У Расіі загарэўся чарговы аўтобус МАЗ
Увечары 23 сакавіка ў расійскім Кіраве загарэўся аўтобус МАЗ. У аўтобусе ў гэты момант знаходзіліся восем пасажыраў, кандуктар і кіроўца.
Усе людзі своечасова выйшлі з салона, пацярпелых няма, паведамляе МНС Кірава.
Мяркуючы па фота, узгаранне адбылося ў маторным адсеку. Прычына высвятляецца.
За апошнія два гады выпадкі ўзгаранняў аўтобусаў вытворчасці МАЗ у Расіі рэзка пачасціліся. У выніку продажы беларускіх аўтобусаў на расійскім рынку моцна ўпалі.
Чытайце таксама:
У Архангельску масава ламаюцца аўтобусы МАЗ — праз гэта парушаны графік руху
Продажы новых аўтобусаў МАЗ на расійскім рынку значна знізіліся