Ва Украіне загінуў прапагандыст з расійскіх «Известий»
Пра смерць свайго карэспандэнта Аляксандра Федарчака паведаміла само выданне «Известия».
Аляксандр Федарчак
Пра тое, што Аляксандр Федарчак загінуў у зоне ваенных дзеянняў, стала вядома ў панядзелак, 24 сакавіка. Ніякіх падрабязнасцяў здарэння не прыводзіцца.
Паведамляецца, што прапагандыст працаваў у Харкаўскай вобласці на купянскім кірунку. Апошні ягоны рэпартаж быў зняты літаральна напярэдадні.
Гэта ўжо не першы супрацоўнік «Известий», які гіне на развязанай Расіяй вайне ва Украіны. У пачатку гэтага года пры ўдары ўкраінскага дрона загінуў іншы іх карэспандэнт Аляксандр Марцям'янаў.
Чытайце таксама:
Загінуў беларус з Індуры, які ваяваў на баку Расіі. Пратрымаўся менш за два месяцы