БЕЛ Ł РУС

Няздольны перамагчы, а кіруе. Пра каго загадка, дзеткі?

25.03.2025 / 10:35

Мікола Бугай

Загадка гэтая пра гора наша беларускае, пра чорную старонку нашай гісторыі, якая здаецца ўжо і бясконцай. Але можа быць, што сённяшняя такая інаўгурацыя — апошняя, піша Мікола Бугай.

Аляксандр Лукашэнка ў Маскве, 14 сакавіка 2025 года. Фота Maxim Shemetov Pool Photo via AP

Аляксандр Лукашэнка няздольны выйграць ніякія справядлівыя выбары. Ён душыў народ і знявольваў моцных праціўнікаў. Але ў 2020-м прайграў нават хатняй гаспадыні, якая была далёкая ад палітыкі, пакуль не забралі яе мужа. Пасля гэтага наступныя выбары былі нават без намёку на канкурэнцыю, з удзелам толькі псеўдасупернікаў — як на хакеі, калі ён выходзіць на лёд.

Пры моцнай уладзе грамадства слабое, ініцыятыва караецца, а людзі безабаронныя. Гэта разбэшчвае адных і прыгнятае другіх.

Беларуская мадэль абсалютызму асаблівая: краіна яшчэ і трапіла ў абсалютную залежнасць ад Масквы. З яе няма і не будзе простага выхаду. Тым, хто ўзначаліць краіну пасля Лукашэнкі, будзе няпроста.

У рабства лёгка трапіць, але цяжка вырвацца. Гэта галоўнае, дзеткі, што нам трэба запомніць пра лукашэнкаўскі перыяд гісторыі Беларусі. Хай ён хутчэй скончыцца і ніколі не паўторыцца.

Чытайце таксама:

Пагражаюць за Дзень Волі? Вось што трэба рабіць

Што будзе з Беларуссю пасля размовы Трампа і Пуціна?

«Ён на наступны тэрмін не будзе абірацца». Словы Лукашэнкі 26 студзеня аналізуе Мікола Бугай

Каментары да артыкула