У Мінску аўтобус сутыкнуўся з тралейбусам
Вадзіцель аўтобуса няўдала перастроіўся, і ўсё скончылася аварыяй.
Тут і далей фота: МУС
ДТЗ з удзелам грамадскага транспарту адбылося на вуліцы Куйбышава.
Па папярэдняй інфармацыі, 40-гадовы кіроўца аўтобуса «МАЗ» пры перастройванні не пераканаўся ў бяспецы манеўру і сутыкнуўся з тралейбусам, які рухаўся па суседняй паласе.
У выніку ДТЗ ніхто не пацярпеў, аўтобус і тралейбус атрымалі пашкоджанні.