Пакуль кіроўца з Барысава праграваў машыну, яна знікла
Знайшлі аўто ў вадзе, паведаміў тэлеграм-канал «АСВОД Беларусі».
Скрыншот: myborisov / TikTok
Кіроўца выйшаў з машыны, пакуль яна прагравалася. Аўто ён пакінуў на завулку Някрасава ў старым горадзе Барысава.
Як мужчына вярнуўся — машыны на месцы ўжо не было. Той звярнуўся ў ДАІ.
Аўто знайшлі наўпрост у рацэ Бярэзіна. Яго цячэннем аднесла на 20-30 метраў ад кропкі, дзе яно патанула, а пасля машына набрала вады ў салон і апынулася на самым дне.
Вадалазы прычапілі да машыны трос і спецтэхнікай выцягнулі яе з ракі.