Электразабеспячэнне ў Мінску цалкам аднавілі
Сталічныя энергетыкі цалкам аднавілі электразабеспячэнне спажыўцоў горада Мінска, паведаміла «Мінскэнерга».
Фота ілюстрацыйнае
Сёння ў 13:33 парушалася праца лініі электраперадачы напружаннем 110 КВ «ЦЭЦ-4 — Лынькоўская», што прывяло да перабояў электразабеспячэння ў некалькіх раёнах сталіцы. Прычынай часовага парушэння электразабеспячэння стаў абрыў шлейфу, паведамляе «Мінэнерга».
На працягу гадзіны пасля прыбыцця энергетыкі зрабілі перападключэнне большай часткі спажыўцоў па рэзервовых сувязях. А ў 17:43 электразабеспячэнне ўсіх спажыўцоў цалкам адноўлена.
Цяпер па даручэнні міністра энергетыкі будзе праведзены дэталёвы аналіз прычын парушэння электразабеспячэння.
Чытайце таксама:
У Мінску адразу ў некалькіх раёнах знікла электрычнасць
У Мінскэнерга расказалі, чаму ў мінскай Сцяпянцы былі перабоі з электрычнасцю