У беларускае грамадзянства прынялі 311 чалавек
Аляксандр Лукашэнка 27 сакавіка падпісаў указ № 126 «Аб прыёме ў грамадзянства Рэспублікі Беларусь», паведаміла ягоная прэс-служба. У ім гаворыцца пра прыём у беларускае грамадзянства 311 чалавек, у тым ліку 26 непаўналетніх.
Акрамя выхадцаў з Украіны, якія складаюць большасць гэтых людзей, беларускія пашпарты атрымалі асобы, якія прыбылі з Азербайджана, Арменіі, В'етнама, Грузіі, Ірана, Казахстана, Кыргызстана, Латвіі, Лівана, Малдовы, Расіі, Сірыі, Таджыкістана, Туркменістана і Узбекістана.
Адначасова прынятая пастанова аб адхіленні заяў аб прыёме ў грамадзянства шэрагу асоб, якія «неаднаразова парушалі законы Беларусі».
Чытайце таксама:
У Эстоніі грамадзян Беларусі пазбавілі права голасу на мясцовых выбарах
Грамадзянін Ізраіля прыехаў у Беларусь і вельмі пра гэта пашкадаваў