У Расіі ў бізнэсмена Неўзліна адабралі вытворчасць абсталявання для нафтаздабычы
Справу разглядаў Арбітражны суд Калінінградскай вобласці, піша «Коммерсант».
Леанід Неўзлін. Фота: Navalny.com
Па выніках суда ў Леаніда Неўзліна адабралі 100% доляў стратэгічнай групы нафтасервісных кампаній «Борец». Фірма займалася вытворчасцю абсталявання для нафтаздабычы.
У Расіі алігарх Неўзлін прызнаны «замежным агентам».
У снежні 2024 года ў інтэрв'ю ТОК рэжысёр Мікалай Халезін заявіў, што расійскі Неўзлін фінансуе «Хартыю'97» яшчэ з прэзідэнцкіх выбараў 2010 года, а таксама дае грошы «на ўсе медыя, якія паліваюць Святлану Ціханоўскую».
Галоўная рэдактарка «Хартыі'97» такую заяву адмовіла і сказала, што інтэрв'ю Халезіна «занадта хлуслівае». Яна дадала, што «Неўзлін — яе сябар, які шмат зрабіў для развіцця дэмакратыі ў многіх краінах».