У Ганконгу прадалі працу Шагала за 4,5 мільёна даляраў
На аўкцыёне Sotheby's у Ганконгу за буйную суму прадалі карціну славутага мастака родам з Беларусі Марка Шагала пад назвай «Вясновыя кветкі» («Збан з вясновымі кветкамі»), паведамляе «Беларусь и мир».
Карціна «Вясновыя кветкі». Фота: sothebys.com
Праца выканана алеем на палатне памерам 72х60,6 см у Францыі ў 1930 годзе. Яе сапраўднасць пацверджаная Камітэтам Шагала, на што маецца адпаведны сертыфікат.
Папярэдне твор быў ацэнены ў 22-28 мільёнаў ганконскіх даляраў, што складае па курсе прыкладна 2,9-3,6 мільёнаў даляраў ЗША.
У выніку лот быў рэалізаваны 29 сакавіка па больш высокай цане — 34,5 мільёна ганконскіх даляраў, што складае прыблізна 4,5 мільёна даляраў ЗША.
Чытайце таксама:
Аўтапартрэт звязанага з Віцебскам мастака прадалі ўдвая вышэй ацэнкі. І гэта не Шагал
Парфёнаў пра Шагала: «Гэта рускі мадэрн, не існавала ніякага беларускага жывапісу»
На першых сёлетніх таргах Sotheby's будуць прадаваць карціну Шагала