U AirPods płanujuć dadać sinchronny pierakład razmovy
Funkcyja pierakładu ŭ žyvym časie pavinna źjavicca ŭ AirPods i iPhone z abnaŭleńniem iOS 19, paviedamlaje Bloomberg.
Ilustracyjny zdymak. Fota: pixabay.com
Apple nie pieršaja kampanija, jakaja zadumałasia pra funkcyju sinchronnaha pierakładu ŭ navušnikach. Z 2017 hodu jana pracuje ŭ Pixel Buds.
Inšyja kampanii, takija jak Meta i Humane, taksama sprabavali ŭstalavać opcyju žyvoha pierakładu, ale vyniki akazalisia davoli supiarečlivymi, piša The Verge.
Na minułym tydni Apple abviaściła, što adkładaje vypusk abnoŭlenaj Siri z vykarystańniem štučnaha intelektu, zajaviŭšy: «Ukaranieńnie hetych funkcyj zojmie bolš času, čym my dumali».