«Bihboi, kampusy, sipicha». Vy taksama nie zrazumieli?
Što ŭ adzieńni dziaŭčat nie padabajecca chłopcam bolš za ŭsio.
Skryn videa: segodnia_v_gomele / TikTok
Homielski błohier pacikaviŭsia ŭ padletkaŭ, što im nie padabajecca ŭ adzieńni i styli dziaŭčat.
«Kampusy — heta ŭvohule poŭnaja niedarečnaść jak pa mnie. I skini — stary viek», — adkazvaje adzin z padletkaŭ.
«Supierstary mnie nie padabajucca, bihboi biełyja i sipicha», — vykazvaje svajo mierkavańnie inšy padletak.
A ŭ adkaz na pytańnie pra hałoŭnaje «nie» ŭ styli dziaŭčat chłopcy choram adkazvajuć: «Biksy».
Videa za dzień nabrała bolš za 3,8 miljona prahladaŭ. Bolšaść hledačoŭ prosiać rastłumačyć: što značać hetyja słovy? Kali «skini» (vielmi vuzkija džynsy) jašče znajomaje niekatorym, to inšyja pryvodziać u zamiašańnie.
Z taho, što tłumačać u kamientarach znaŭcy padletkavaha słenhu, vynikaje nastupnaje. Kampusy i supierstary — heta kiedy ad Adidas (madeli Campus i Superstar), bihboi — vielmi šyrokija miechavatyja džynsy, sipicha — tałstoŭka brendu C.P. Company.
Kampusy i supierstary. Fota: internet-kramy
Sipicha i bihboi. Fota: internet-kramy
Najbolš pytańniaŭ vyklikała słova «biksy». Adna žančyna pryhadała, što ŭ 1980-ja, na jakija pryjšlisia jaje padletkavyja hady, tak nazyvali dziaŭčat lohkich pavodzin. Ciapier «biksami», najchutčej, ź niehatyŭnym adcieńniem nazyvajuć modnych dziaŭčat, jakija strojać ź siabie krutych.
«Dziakuj, što zekanomili mnie čas. A to ja akramia słova «dziaŭčyna» ŭvohule ničoha nie zrazumieła», — z humaram zaŭvažajuć u kamientarach pad videa.
Kali vy viedajecie značeńnie padletkavaha słenhu, to napišycie, u kamientaryjach.
Čytajcie taksama:
Biełarus aburyŭsia «varjackimi» cenami na krasoŭki
Hetyja džynsy buduć sioleta samymi modnymi
Nosicie pinžak z džynsami? Voś pamyłki, jakija mnohija robiać