Tesla adklikaje kala 50 tysiač aŭtamabilaŭ Cybertruck
Tesla adklikaje 46096 pikapaŭ Cybertruck u ZŠA praz defiekt źniešniaj paneli, jakaja moža ŭpaści padčas ruchu, piša Reuters.
Šerah ź niekalkich Tesla Cybertrucks u dylerskim centry Tesla Motors, Kalifornija, 6 śniežnia 2024 h. Fota: Smith Collection / Gado / Getty Images
Kampanija Tesla, jakoj kiruje miljarder Iłan Mask, jaki taksama zajmaje pasadu staršaha daradcy prezidenta Donalda Trampa ŭ pytańniach skaračeńnia dziaržaŭnaha rehulavańnia, maje značnuju dolu siarod aŭtamabilaŭ, što padlahajuć adklikańniu ŭ ZŠA.
Hetym razam pryčynaj stała adsłajeńnie kantavaj rejki — paneli ź nieržaviejučaj stali. «Adździelenaja panel moža stać niebiaśpiekaj na darozie, pavialičvajučy ryzyku avaryi», — adznačajuć śpiecyjalisty.
Heta čarhovy vypadak adklikańnia Cybertruck paśla startu prodažaŭ u minułym hodzie. Pa dadzienych kampanii BizzyCar, z pačatku 2024 hoda na Tesla pryjšłosia 21% usich vodhukaŭ uładalnikaŭ aŭto ŭ ZŠA, choć bolšaść prablem likvidavali abnaŭleńniem prahramnaha zabieśpiačeńnia.