Cichanoŭskaja prakamientavała pryznačeńnie inaŭhuracyi Łukašenki na 25 sakavika
Cichanoŭskaja prakamientavała pryznačeńnie inaŭhuracyi Alaksandra Łukašenki na 25 sakavika — Dzień abviaščeńnia niezaležnaści Biełaruskaj Narodnaj Respubliki ŭ 1918 hodzie.
Śviatłana Cichanoŭskaja. Fota: Getty Images
«Samaabvieščany dyktatar Łukašenka pryznačyŭ svaju fiktyŭnuju «inaŭhuracyju» na 25 sakavika — praz dva miesiacy paśla svaich falšyvych «vybaraŭ». Ni biełarusy, ni demakratyčnyja krainy nie pryznajuć jaho. Jon — złačyniec, jaki čaplajecca za ŭładu, jaki pradaje Biełaruś Pucinu i ŭciahvaje našu krainu ŭ akupacyju», — napisała jana ŭ X.
Jana taksama zaklikała dałučycca 25 sakavika da Mižnarodnaha Dnia salidarnaści ź Biełaruśsiu.