Atakavanaja hazavymiaralnaja stancyja «Sudža» ŭ Kurskaj vobłaści
Praź jaje rasijski haz idzie ŭ Jeŭropu tranzitam praz Ukrainu.
Tranzitny napramak praz «Sudžu» zastavaŭsia adzinym maršrutam pastavak rasijskaha hazu ŭ krainy Jeŭrasajuza.
Rasijskija vajenkary pišuć, što hazavymiaralnaja stancyja «Sudža» była paškodžana ŭ vyniku ŭkrainskaha ŭdaru. Kurskija navinavyja pabliki publikujuć videa i fota z mahčymymi nastupstvami ataki pa hazavymiaralnaj stancyi.
Hienieralny štab USU zajaviŭ, što heta Rasija z metaj dyskredytacyi Ukrainy abstralała z artyleryi «Sudžu».
«Rasijskaja Fiederacyja naroščvaje dyskredytacyjnuju kampaniju suprać Ukrainy. Tak, vorah abvinavaciŭ našy siły abarony ŭ abstrele hazavymiaralnaj stancyi «Sudža». Hetyja abvinavačvańni biespadstaŭnyja», — zajavili ŭkraincy.
Jašče ŭ kastryčniku 2024 hoda paviedamlałasia, što «Hazpram» padaje haz u Jeŭropu tranzitam praz Ukrainu ŭ abjomie 42,4 młn kubamietraŭ u sutki na hazavymiaralnuju stancyju «Sudža» ŭ Kurskaj vobłaści, nahadvaje Baza.