Źjaviłasia spadarožnikavaje FOTA vynikaŭ ukrainskaj ataki na vajskovy aeradrom u rasijskim Enhielsie
Spadarožnik Maxar zafiksavaŭ nastupstvy ataki sił abarony Ukrainy na składy aeradroma stratehičnaj avijacyi Rasii ŭ Enhielsie Sarataŭskaj vobłaści, paviedamlaje prajekt «Schiemy» Ukrainskaj słužby «Radyjo Svaboda».
Vyhlad składoŭ na aeradromie «Enhiels-2» pa stanie na 21 sakavika 2025 hoda
Na spadarožnikavych zdymkach amierykanskaj aerakaśmičnaj kampanii Maxar za 21 sakavika bačnyja paškodžańni składoŭ bojeprypasaŭ aeradroma «Enhiels-2» u Sarataŭskaj vobłaści Rasii. Na miescy niekatorych budynkaŭ — varonki ad vybuchaŭ.
Vyhlad składoŭ na aeradromie «Enhiels-2» pa stanie na 7 śniežnia 2024 hoda
Aeradrom viadomy tym, što mienavita ź jaho nieadnarazova ŭźlatali samaloty stratehičnaj avijacyi Rasii, jakija nanosili maštabnyja rakietnyja ŭdary pa Ukrainie.
«Mienavita na hetych składach stajali kantejniery dla rakiet X-101/X-555, jakija Rasija vykarystoŭvaje dla napadaŭ na Ukrainu z samalotaŭ Tu-160 i Tu-95. Taksama jość imaviernaść, što tam znachodziŭsia centr pieradpalotnaj padrychtoŭki rakiet, jaki taksama byŭ źniščany», — raskazaŭ avijaekśpiert Anatol Chrapčynski ŭ kamientary «Schiemam».
Dniom raniej Hienieralny štab USU paviedamlaŭ, što ŭ noč na 20 sakavika vajskoŭcy Sił abarony Ukrainy ŭdaryli pa aeradromie «Enhiels-2», u vyniku čaho na im pačaŭsia pažar i ŭzarvalisia bojeprypasy, jakija tam zachoŭvalisia.
Čytajcie taksama:
U Sarataŭskaj vobłaści nočču adbyłasia samaja masiravanaja ataka BPŁA za ŭsiu vajnu
«Kroŭ vajny». Čym važnyja ataki Ukrainy na rasijskija NPZ i ci jość ad hetaha efiekt
Zialenski: Pucin adkinuŭ prapanovu spynieńnia ahniu i atakavaŭ cyvilnuju infrastrukturu