Suprać rybaka ź Miadzielskaha rajona raspačali kryminalnuju spravu za łoŭlu ščupakoŭ
Pryčynaj dla kryminalnaj spravy stali dzieviać ščupakoŭ, jakich jon vyłaviŭ z dapamohaj troch sietak, piša BiełTA.
Ilustracyjnaje fota: «Naša Niva»
Dzieviać ščupakoŭ akazalisia zabaronienymi dla łoŭli ŭ Biełarusi z 9 sakavika pa 23 krasavika. Śledčy kamitet paličyŭ, što praź ich łoŭlu 56-hadovy rybak pryčyniŭ navakolnamu asiarodździu škodu ŭ 4,7 tysiač rubloŭ.
Usiaho 21 sakavika na voziery Vialikija Švakšty ŭ Pastaŭskim rajonie vyłaviŭ 23 ryby. Jaho zaŭvažyli inśpiektary Nacyjanalnaha parku «Naračanski».
Pastaŭski RASK raspačaŭ suprać rybaka kryminalnuju spravu ab niezakonnaj zdabyčy ryby (častka 2 artykuła 281 KK). Maksimalnaje pakarańnie pa joj — pazbaŭleńnie voli terminam da 3 hod.