Pryznačany novy apostalski nuncyj u Biełarusi. Jon ałbanakatalik, paśla Vieniesueły
Zamiest charvata Ante Joziča im staŭ italjaniec Ihnacya Čefalija, piša catholic.by. Jon naležyć da ałbana-italjanskaj carkvy vizantyjskaha abradu, a pierad Minskam słužyŭ u Vieniesuele.
Ihnacya Čefalija naradziŭsia ŭ 1975 hodzie na vostravie Sicylija, naležyć da miascovaj itała-ałbanskaj katalickaj Carkvy vizantyjskaha abradu.
Pieršaj placoŭkaj Čefalija stała nuncyjatura ŭ Ekvadory (2006-2010 hh.), słužyŭ sakratarom nuncyjatury dla Kambodžy, Łaosa, Mjanmy i Tajłanda (2010-2013 hh.), časovym pavieranym i namieśnikam pastajannaha naziralnika Śviatoha Pasadu pra Radzie Jeŭropy ŭ Strasburhu. U 2020-2024 hadach słužyŭ u Vieniesuele.