«Kibierpartyzany» zajavili pra ŭzłom sierviera kampanii, adkaznaj za reahavańnie na kibierincydenty
«Kibierpartyzany» paviedamili, što na Dzień Voli im udałosia «nanieści ŭdar u samaje serca kibierabarony režymu» praniknuć u siervier «nacyjanalnaj kamandy reahavańnia na kibieryncydenty cert.by pad kantrolem AAC».
«Pakul CERT rychtavaŭsia da błakavańnia biełaruskich sajtaŭ dla karystalnikaŭ z-za miažy na Dzień Voli, my nieprykmietna pranikli ŭ samy abaronieny siervier i dastali adtul usio kaštoŭnaje», — paviedamlajuć «Kibierpartyzany», padajučy ŭ jakaści dokazu spasyłku na zychodniki sajta cert.by i ich bazu danych.
Asnoŭnaja zajaŭlenaja zadača CERT — «źnižeńnie ŭzroŭniu pahroz infarmacyjnaj biaśpieki nacyjanalnaha siehmienta».
Raniej siońnia «Kibierpartyzany» paviedamili pra ŭzłom sajta minskaha HC «Zamak», jaki znachodzicca amal praz darohu ad Pałaca Niezaležnaści, dzie siońnia prachodziła inaŭhuracyja Łukašenki.