Syn Marharyty Laŭčuk narešcie atrymaŭ ukrainski pašpart

Prablemy ŭ maleńkaha Maksima ŭźnikli praz hramadzianstva maci, i jon, choć narodžany va ŭkrainskim Charkavie ad baćki-ŭkrainca, musiŭ čakać dakumienta piać miesiacaŭ, piša «Jeŭraradyjo».

Fota: instagram.com/margarita.levchuk.official

«Moj syn naradziŭsia volnym i ŭ volnaj krainie. Spadziajusia jon kali-niebudź pabačyć na svaje vočy, jakaja sapraŭdy pryhožaja kraina ŭ jahonaj matuli — biez dyktatury, palitźniavolenych, represij, strachu i atručanaha režymam pavietra. A ja budu pobač trymać jaho za ruku», — piša prynahodna Marharyta Laŭčuk.

Nahadajem, što 24 kastryčnika Laŭčuk paviedamiła pra naradžeńnie syna ad ukrainca Rusłana Karnijki, ź jakim paznajomiłasia, kali jeździła na front vystupać pierad vajskoŭcami razam z ukrainskim Kulturnym desantam.

Ciapier Marharyta žyvie z małym dziciem u Charkavie, a jaje muž na froncie, słužyć u supraćpavietranaj abaronie.

Niahledziačy na toje, što Laŭčuk naradziła ad ukrainca, jaki abaraniaje Radzimu, i vielmi chacieła b, pa ŭłasnym pryznańni, kab jaje syn byŭ ukraincam, ukrainskija ŭłady peŭny čas nie dazvalali zarehistravać dzicia z-za biełaruskaha pašparta maci, pra što sama Marharyta pisała ŭ sacsietkach. Prablemu z paśviedčańniem ab naradžeńni ŭdałosia vyrašyć tolki praź miesiac.

Kamientary da artykuła