Andreju Pačobutu na paŭhoda praciahnuli režym PKT
Žurnalist Andrej Pačobut jašče paŭhoda nie zmoža vychodzić na śviežaje pavietra i pracavać, bo jamu praciahnuli režym znachodžańnia ŭ pamiaškańni kamiernaha typu (PKT), piša pravaabarončy kanał «Pravo imiejut».
Andrej Pačobut na sudzie
Hrodzienskaha žurnalista i aktyvista polskaj mienšaści ŭ Biełarusi Andreja Pačobuta zatrymali čatyry hady tamu, 25 sakavika 2021 hoda. 8 lutaha 2023 hoda jamu prysudzili 8 hadoŭ pazbaŭleńnia voli.
Termin Pačobut adbyvaje ŭ navapołackaj kałonii № 1, dzie na jaho ŭvieś čas akazvajecca cisk. Infarmacyi pra jaho vielmi mała.
Kanał «Pravo imiejut», adnak, śćviardžaje, što Andrej Pačobut «viedaje pra akcyi salidarnaści, jakija prachodziać kožny miesiac, i ŭdziačny za ich».
Čytajcie taksama:
U MZS Polščy adreahavali na słovy Łukašenki pra Pačobuta
Łukašenka zajaviŭ, što Polšča admoviłasia navat vieści razmovy pra Andžeja Pačobuta
Čałaviek hoda pa viersii «Našaj Nivy» — Andrej Pačobut. Simvał adzinstva, macniejšaha za łukašyzm