Baškan Hahauzii źviarnułasia da Pucina z zaklikam akazać cisk na Małdovu

Kiraŭnica prarasijskaha rehijona na poŭdni Małdovy (baškan) Jaŭhienija Hucuł źviarnułasia da prezidenta Rasii Uładzimira Pucina z publičnym zvarotam, u jakim zaklikała vykarystać usie mahčymyja miechanizmy dla cisku na kirujučyja ŭłady Małdovy.

«Ad imia hahauzskaha naroda, jaki nikoli nie zdradžvaŭ svaim histaryčnym siabram, źviartajemsia da Vas, pavažany Uładzimir Uładzimiravič, z zaklikam: skarystajcie ŭvieś arsienał dypłamatyčnych, palityčnych i pravavych miechanizmaŭ dziela cisku na małdaŭskija ŭłady z metaj nieadkładnaha spynieńnia palityčnych represij i majho jak maha chutčejšaha vyzvaleńnia», — zajaviła Hucuł.

U aŭtorak viečaram Jaŭhieniju Hucuł zatrymali ŭ aeraporcie Kišyniova na 72 hadziny ŭ suviazi z zabaronaj na vyjezd z krainy.

U 2024 hodzie ZŠA i Jeŭrasajuz unieśli Hucuł u svaje sankcyjnyja śpisy. Pavodle ŭładaŭ ES, jana razam ź niekalkimi inšymi hahauzskimi palitykami padryvaje stabilnaść u Małdovie.

Hahauzija — aŭtanomnaja vobłaść Małdovy ź pieravažna ruskamoŭnym nasielnictvam. Rehijon tradycyjna vystupaje za zbližeńnie z Rasijaj i suprać intehracyi Małdovy ŭ Jeŭrapiejski sajuz. Pavodle vynikaŭ refierendumu, jaki adbyŭsia ŭ lutym 2014 hoda, bolš za 98 pracentaŭ udzielnikaŭ vykazalisia za intehracyju Małdovy ŭ Mytny sajuz.

Kamientary da artykuła