Dziasiatki ludziej apynulisia pad zavałami paśla ziemlatrusu ŭ Paŭdniova-Uschodniaj Azii

U Paŭdniova-Uschodniaj Azii adbyŭsia najmacniejšy ziemlatrus — epicentr znachodziŭsia ŭ centralnaj častcy Mjanmy, ale padziemnyja šturški adčuvalisia i ŭ inšych krainach, u tym liku ŭ Tajłandzie, Indyi i Kitai.

Razbureńni ŭ Banhkoku. Fota: Lauren DeCicca / Getty Images

Pavodle danych Niamieckaha hieafizičnaha centra ŭ Patsdamie, siła ziemlatrusu skłała 7,4 bała — u Tajłandzie ŭłady ŭviali režym nadzvyčajnaha stanovišča, piša Bild.

Asabliva paciarpieła stalica Tajłanda Banhkok. Tam ziamla dryžała niekalki chvilin, ludzi ŭ panicy vybiahali z damoŭ. U centry horada vulicy zapoŭnili tysiačy čałaviek. Vočy śviedki raspaviadali, što «vada vyploskvałasia z basiejnaŭ, a ofisnyja budynki chistalisia na praciahu niekalkich chvilin». Adzin ź niedabudavanych 30-paviarchovych budynkaŭ abrynuŭsia — pad zavałami apynulisia 43 budaŭniki, paviedamili ratavalnyja słužby.

U Mjanmie surjozna paciarpieli adrazu niekalki bujnych haradoŭ. U Mandałai, druhim pa vieličyni horadzie krainy, abrynulisia šmatkvaternyja damy. Pavodle słoŭ vidavočcaŭ, «usie vybiehli na vulicu, i nichto nie advažvajecca viartacca ŭ budynki».

U paciarpiełych rajonach pačalisia ratavalnyja raboty. U Banhkoku ludziej prosiać nie viartacca ŭ damy, pacyjentaŭ evakujujuć z balnic, a na vulicy vyviedzieny ekstranyja słužby. U ahłamieracyi stalicy Tajłanda pražyvajuć bolš za 17 miljonaŭ čałaviek — značnaja častka ź ich u šmatpaviarchovych damach.

Kamientary da artykuła