Летась у Беларусі выяўлена больш за паўмільёна выпадкаў дэпрэсіі
Беларусь па выніках 2024 года займае 8-е месца ў свеце па «ўстанаўленні псіхічных разладаў», кожны чацвёрты жыхар краіны «пакутуе ад трывожна-дэпрэсіўнага расстройства ці расстройстваў адаптацыі». Пра гэта паведаміла на прэс-канферэнцыі ў Мінску 24 сакавіка спецыялістка псіхалагічнага аддзялення ДУ «Рэспубліканскі навукова-практычны цэнтр псіхічнага здароўя» Святлана Даўжэнка, піша «Позірк».
Здымак ілюстрацыйны. Фота: freepik.com
За год у Беларусі «выяўлена каля 510 тысяч выпадкаў дэпрэсіі, што складае каля 5,6% насельніцтва», адзначыла псіхолаг. Пры гэтым, паводле яе слоў, многія беларусы
«не звяртаюцца своечасова па спецыялізаваную дапамогу, альбо знаходзяцца ў працяглым хваравітым стане, што можа прыводзіць да розных вынікаў».
Святлана Даўжэнка паведаміла, што колькасць зваротаў па псіхалагічную дапамогу ўзрасла, але дакладныя звесткі не прывяла. Найбольш уразлівымі групамі з'яўляюцца падлеткі і пажылыя людзі, а часцей за ўсё па псіхалагічную дапамогу звяртаюцца людзі старэйшыя за 30 гадоў, сказала прадстаўніца РНПЦ.
Чытайце таксама:
Нечаканыя лекі ад дэпрэсіі: навукоўцы выявілі карысць звычайнага воцату
Што ўказвае на высокую рызыку суіцыду ў чалавека, які пра гэта кажа? Адказвае псіхіятр