Наталля Пяткевіч прыйшла на інаўгурацыю Лукашэнкі ў жакеце ад Gucci
Паглядзелі, колькі каштуе ружовы брэндавы жакет.
Наталля Пяткевіч. Фота: скрын трансляцыі інаўгурацыі
Жакет першай намесніцы кіраўніка Адміністрацыі Лукашэнкі са старой калекцыі Gucci, ён зроблены з воўны і шоўку. Цяпер у краме брэнда яго няма ў наяўнасці.
Кошт жакета на сайце, дзе прадаюць ношанае аддзенне, складае 486 даляраў, новы мог каштаваць у разы даражэй: стартавыя цэны на жакеты Gucci — ад 1500 даляраў.
Раней у лістападзе 2024-га Лукашэнка на абласных «Дажынках» у Клімавічах заяўляў, што «беларусы рвуцца па Gucci, Versace і іншую гадасць».
«А трэба насіць сваё. І прывучаць дзяцей да гэтага», — падкрэсліў Аляксандр Лукашэнка, кажучы аб якасці і натуральнасці беларускіх вырабаў.
Праца «Нашай Нівы» часам складаецца з дробязі. Калі вам важна тое, што мы робім, падтрымайце нас праз Патрэон або любым іншым зручным для вас спосабам.
Чытайце таксама:
Больш ніякіх ружовых касцюмаў. Стыль Наталлі Пяткевіч змяніўся кардынальна
Навошта Пяткевіч вярнулі ў Адміністрацыю Лукашэнкі? Версія Халезіна