Еўрасаюз увёў санкцыі супраць «Цыбулькі-Бел»

У новы спіс падсанкцыйных кампаній Еўрасаюза патрапілі 25 чалавек і 7 кампаній, у тым ліку «Цыбулька-Бел», заўважыў Reform. Дакумент апублікаваны ў афіцыйным часопісе ЕС.

Ёрг Дорнау і Юрый Куніцкі на плантацыі цыбулі пад Лідай. Фота: sb.by

Сярод людзей, супраць якіх увялі чарговы пакет санкцый, члены ЦВК, суддзі, дырэктары заводаў, супрацоўнікі кіраўніцтва справамі Лукашэнкі, кіраўнік партыі «Белая Русь».

Абмежаванні ўведзеныя супраць наступных арганізацый: 

• Цэнтральная выбарчая камісія Беларусі;
• ААТ «Інтэграл» — кіруючая кампанія холдынгу «Інтэграл»;
• «Беларускія латарэі»;
• ТАА «Рыдота»;
• КБТЭМ «»Планар»;
• РВУП «Завод дакладнай электрамеханікі»;
• ТАА «Цыбулька-Бел».

«Цыбулька-Бел» — прадпрыемства ў Лідскім раёне, якое часткова належыць грамадзяніну Германіі Ёргу Дорнау. На гэтай фірме да работ прыцягвалі зняволеных з беларускіх турмаў.

Каментары да артыкула