Jeŭrasajuz uvioŭ sankcyi suprać «Cybulki-Bieł»

U novy śpis padsankcyjnych kampanij Jeŭrasajuza patrapili 25 čałaviek i 7 kampanij, u tym liku «Cybulka-Bieł», zaŭvažyŭ Reform. Dakumient apublikavany ŭ aficyjnym časopisie ES.

Jorh Dornau i Juryj Kunicki na płantacyi cybuli pad Lidaj. Fota: sb.by

Siarod ludziej, suprać jakich uviali čarhovy pakiet sankcyj, členy CVK, sudździ, dyrektary zavodaŭ, supracoŭniki kiraŭnictva spravami Łukašenki, kiraŭnik partyi «Biełaja Ruś».

Abmiežavańni ŭviedzienyja suprać nastupnych arhanizacyj: 

• Centralnaja vybarčaja kamisija Biełarusi;
• AAT «Intehrał» — kirujučaja kampanija chołdynhu «Intehrał»;
• «Biełaruskija łatarei»;
• TAA «Rydota»;
• KBTEM «»Płanar»;
• RVUP «Zavod dakładnaj elektramiechaniki»;
• TAA «Cybulka-Bieł».

«Cybulka-Bieł» — pradpryjemstva ŭ Lidskim rajonie, jakoje častkova naležyć hramadzianinu Hiermanii Jorhu Dornau. Na hetaj firmie da rabot pryciahvali źniavolenych ź biełaruskich turmaŭ.

Kamientary da artykuła