Стала вядома, колькі ў Беларусі карыстальнікаў кітайскага чат-бота DeepSeek
Колькасць актыўных беларускіх карыстальнікаў кітайскай распрацоўкі DeepSeek ужо дасягнула 80 тысяч чалавек у тыдзень, і гэтая лічба працягвае расці. Такімі данымі падзялілася з выданнем Office Life Іна Савановіч, дырэктарка па маркетынгу беларускага хостынг-правайдэра HostFly.by.
Іконкі дадаткаў DeepSeek і ChatGPT на экране смартфона. Фота: Andy Wong / AP
Эксперты звязваюць такую дынаміку з тэхнічнымі перавагамі кітайскіх сістэм, больш эфектыўнай працай з кірылічным кантэнтам і адсутнасцю рэгіянальных абмежаванняў.
У кампаніі заўважылі, што беларусы адзначаюць больш высокую дакладнасць генерацыі спецыялізаванага кантэнту і лепшае разуменне культурнага кантэксту ў кітайскіх распрацовак. Значнай перавагай называюць таксама магчымасць апрацоўкі вялікіх аб'ёмаў тэксту — да 200 тыс. токенаў супраць 16-32 тысяч у заходніх аналагаў.
Пра кітайскі чат-бот загаварылі ў студзені, і ён хутка заваяваў рынак, бо стаў канкураваць з OpenAI, Google і Meta.
Чытайце таксама:
DeepSeek збірае даныя карыстальнікаў і ў незашыфраваным выглядзе дасылае ў Кітай
Сапраўдны кошт DeepSeek, кітайскага чат-боту, што абваліў фондавы рынак ЗША, аказаўся зусім не такім
Лян Вэньфэн — таемны заснавальнік DeepSeek, які перавярнуў свет штучнага інтэлекту
Што думае нашумелы кітайскі чат-бот пра рэжым Лукашэнкі
Кітайская ШІ-мадэль зрабіла фурор на тэхналагічным рынку. Лідарства ЗША можа быць пад пагрозай