Stała viadoma, kolki ŭ Biełarusi karystalnikaŭ kitajskaha čat-bota DeepSeek
Kolkaść aktyŭnych biełaruskich karystalnikaŭ kitajskaj raspracoŭki DeepSeek užo dasiahnuła 80 tysiač čałaviek u tydzień, i hetaja ličba praciahvaje raści. Takimi danymi padzialiłasia z vydańniem Office Life Ina Savanovič, dyrektarka pa markietynhu biełaruskaha chostynh-pravajdera HostFly.by.
Ikonki dadatkaŭ DeepSeek i ChatGPT na ekranie smartfona. Fota: Andy Wong / AP
Ekśpierty źviazvajuć takuju dynamiku z techničnymi pieravahami kitajskich sistem, bolš efiektyŭnaj pracaj z kiryličnym kantentam i adsutnaściu rehijanalnych abmiežavańniaŭ.
U kampanii zaŭvažyli, što biełarusy adznačajuć bolš vysokuju dakładnaść hienieracyi śpiecyjalizavanaha kantentu i lepšaje razumieńnie kulturnaha kantekstu ŭ kitajskich raspracovak. Značnaj pieravahaj nazyvajuć taksama mahčymaść apracoŭki vialikich abjomaŭ tekstu — da 200 tys. tokienaŭ suprać 16-32 tysiač u zachodnich anałahaŭ.
Pra kitajski čat-bot zahavaryli ŭ studzieni, i jon chutka zavajavaŭ rynak, bo staŭ kankuravać z OpenAI, Google i Meta.
Čytajcie taksama:
DeepSeek źbiraje danyja karystalnikaŭ i ŭ niezašyfravanym vyhladzie dasyłaje ŭ Kitaj
Lan Veńfen — tajemny zasnavalnik DeepSeek, jaki pieraviarnuŭ śviet štučnaha intelektu
Što dumaje našumieły kitajski čat-bot pra režym Łukašenki
Kitajskaja ŠI-madel zrabiła furor na technałahičnym rynku. Lidarstva ZŠA moža być pad pahrozaj