Суд у ЗША прыпыніў ліквідацыю «Голасу Амерыкі»
Такое рашэнне суддзя вынес пасля пазову супрацоўнікаў «Голасу Амерыкі « і прафсаюзаў, паведамляе The New York Times.
У пазове журналісты сцвярджаюць, што сваімі дзеяннямі ўлады ЗША парушылі іх права на свабоду слова.
Пры гэтым у рашэнні суда няма патрабавання аб аднаўленні вяшчання, яно ўтрымлівае толькі забарону на звальненне супрацоўнікаў на час разгляду справы. Далейшае разбіральніцтва вызначыць, ці было спыненне вяшчання «адвольным» і ці не парушала гэтае рашэнне федэральны закон, адзначае Reuters.
15 сакавіка Дональд Трамп скараціў агенцтва USAGM, якое курыруе медыякарпарацыю «Радыё Свабодная Еўропа / Радыё Свабода», «Голас Амерыкі» і некаторыя іншыя СМІ. Яго адміністрацыя абвінаваціла «Голас Амерыкі» ў публікацыі «радыкальнай прапаганды» і «антытрампаўскага кантэнту».
Пазней агенцтва USAGM, таксама пасля рашэння суда, аднавіла фінансаванне «Радыё Свабода».
Чытайце таксама:
ЗША прыпыняе фінансаванне «Радыё Свабода» і тэлеканалу «Настоящее время» з 1 красавіка?
«Упершыню за 83 гады легендарны «Голас Амерыкі» змушаны змоўкнуць»
У Трампа патлумачылі рашэнне спыніць фінансаванне «Голасу Амерыкі»