U vajskovaj čaści pad Dobrušam hareła
20 sakavika na terytoryi vajskovaj častki 43-ha arsienała rakiet i bojeprypasaŭ Uzbrojenych sił Biełarusi, u rajonie adsielenaha pasielišča Dubieckaje (Dobrušski rajon), było zafiksavana adkrytaje hareńnie, paviedamiŭ «Fłahštok» sa spasyłkaj na źviestki spadarožnikavaha servisu FIRMS ad NASA.
Aficyjnaja presa pra pažar u vajennych častkach nie paviedamlała.
Miarkujecca, što pryčynaj adkrytaha ahniu na terytoryi stratehičnaha abjekta mahło stać źniščeńnie staroj tary dla snaradaŭ. Anałahičnaje hareńnie ŭ tym ža miescy fiksavaŭ prajekt Fłahštok u lipieni 2022 hoda.
Vajennaja častka 43-ha arsienała rakiet i bojeprypasaŭ viadomaja tym, što stała adnym z najbujniejšych pastaŭščykoŭ bojeprypasaŭ dla rasijskaj armii padčas jaje ŭvarvańnia va Ukrainu.