U kałonii «Vićba» rearhanizujuć pramysłovuju zonu. Niekatorych asudžanych pieravodziać u inšyja kałonii
U viciebskaj kałonii №3 («Vićba») płanujecca častkovaje zakryćcio i restrukturyzacyja pramysłovaj zony. U suviazi z hetym da kanca krasavika kala 15% źniavolenych buduć pieraviedzieny ŭ inšyja kałonii, piša Mayday.team.
Z asobnych atradaŭ užo etapavali da 10 čałaviek u kałonii z anałahičnym režymam adbyćcia pakarańnia.
Adnačasova prypyniena pryjomka novych źniavolenych u kałonii «Vićba». Miarkujecca, što ahulnaja kolkaść tych, chto adbyvaje pakarańnie ŭ hetaj kałonii, źmienšycca.
U śniežni minułaha hoda ŭpieršyniu źjaviłasia infarmacyja, što ŭ kałonii moža być całkam zakryta drevaapracoŭčaje vytvorčaść. Ciapier hetyja źviestki faktyčna paćviardžajucca. U toj ža čas šviejnaja vytvorčaść u kałonii pracuje ŭ dźvie źmieny i pierahružanaja.