«Kibierpartyzany» ŭzłamali sajt HC «Zamak»
Tak aktyvisty vyrašyli pavinšavać biełarusaŭ z Dniom Voli.
Na sajcie tczamok.by źjaviŭsia nacyjanalny ściah i hierb «Pahonia». Vialikimi litarami na hałoŭnaj staroncy sajta napisali «Dzień Voli».
«Pryjdzie čas, i nacyjanalnyja kolery ŭpryhožać usiu Biełaruś paśla pieramohi nad dyktaturaj», — pišuć «Kibierpartyzany».
Na momant napisańnia naviny sajt minskaha HC «Zamak» užo nie pracuje. Uzłamanaja viersija staronki zachavałasia ŭ veb-archivie.
Handlovy centr «Zamak» raźmiaščajecca pa adrasie pr. Pieramožcaŭ, 65 — heta amal nasuprać Pałaca Niezaležnaści, dzie siońnia adbyvałasia inaŭhuracyja Łukašenki.