BIEŁ Ł RUS

Jeŭrapiejskija kampanii admaŭlajucca ad amierykanskich servisaŭ praz Trampa

25.03.2025 / 22:23

Nashaniva.com

Kampanii ŭ Jeŭropie šukajuć zamienu vobłačnym servisam ad Google, Microsoft i Amazon na fonie aściaroh, što administracyja Trampa moža atrymać dasiah da ich baz dadzienych. Pra situacyju raspavioŭ časopis Wired, piša devby.

Google Cloud. Ilustracyjnaje fota: Cesc Maymo / Getty Images

Sa słoŭ jeŭrapiejskich vobłačnych pravajderaŭ, za apošnija dva tydni pavialičyłasia kolkaść kampanij, jakija chočuć zamianić Google Cloud, Microsoft Azure i Amazon Web Services jeŭrapiejskimi alternatyvami.

«U nas raście popyt va ŭsioj Jeŭropie», — raspavioŭ vydańniu hiendyrektar šviejcarskaha pravajdera Exoscale Macijas Nebauer, padkreśliŭšy kateharyčnaść niekatorych klijentaŭ.

Ź jaho nazirańniaŭ, asabliva vyraznuju pazicyju majuć kampanii z Danii — jany žadajuć admovicca ad amierykanskich sistem praz administracyju Trampa i jaho słovach ab Hrenłandyi.

18 sakavika Pałata pradstaŭnikoŭ Niderłandaŭ pryniała vosiem rezalucyj, jakija zaklikajuć urad źnizić zaležnaść ad amierykanskich IT-kampanij i pierajści na jeŭrapiejskija alternatyvy.

Raniej bolš za 100 arhanizacyj padpisali adkryty list da jeŭrapiejskich čynoŭnikaŭ z zaklikam zrabić kantynient «bolš technałahična niezaležnym». Jany adznačyli, što siońniašniaje stanovišča spraŭ stvaraje «pahrozu dla jaho biaśpieki i ŭstojlivaści».

Ekśpierty adznačajuć, što mihracyja z amierykanskich vobłačnych servisaŭ zojmie hady praź vielizarnyja abjomy dadzienych i adsutnaści raŭnacennych jeŭrapiejskich alternatyŭ.

Čytajcie taksama:

Kamientary da artykuła