U Estonii hramadzian Biełarusi pazbavili prava hołasu na miascovych vybarach
Hałasavać na municypalnych vybarach nie zmohuć nijakija hramadzianie trecich krain. Dla hetaha parłamient krainy prahałasavaŭ za źmieny ŭ kanstytucyju Estonii, paviedamlaje ERR.
Ilustracyjnaje fota
Estonski parłamient padtrymaŭ prapanovu Kanstytucyjnaha kamiteta ab nieadkładnym uniasieńni źmianieńniaŭ u asnoŭny zakon krainy.
Za źmieny ŭ kanstytucyju prahałasavali 92 členy parłamientu, suprać — siamiora.
Zhodna ź dziejučym zakanadaŭstvam, akramia hramadzian Estonii i ES u miascovych vybarach mohuć udzielničać zamiežniki, jakija pražyvajuć u Estonii na padstavie dazvołu na doŭhaterminovaje abo pastajannaje pražyvańnie, jakim na dzień vybaraŭ spoŭniłasia 16 hadoŭ i pastajannaje miesca žycharstva jakich znachodzicca na terytoryi adpaviednaj sielskaj vołaści ci horada.
Ciapier hałasavać na miascovych vybarach Estonii nie zmohuć nijakija hramadzianie trecich krain — u tym liku Biełarusi. Prava hołasu na municypalnych vybarach zastaniecca tolki ŭ hramadzian Estonii i Jeŭrasajuza.
Na vybarach vosieńniu 2025 hoda asoby biez hramadzianstva, heta značyć uładalniki šerych pašpartoŭ, jašče zmohuć prahałasavać, a ŭ dalejšym prava hołasu pazbaŭlacca i jany.
Pavodle źviestak Departamienta statystyki Estonii na 1 studzienia 2024 hoda ŭ Estonii pražyvali 11,402 biełarusa.