U Čechii prahrymieŭ vybuch na zavodzie, dzie robiać bojeprypasy dla Ukrainy

U češskim horadzie Palička vybuchnuŭ skład bojeprypasaŭ na mašynabudaŭničym zavodzie, paviedamiła pažarna-vyratavalnaja słužba Čechii. Adzin čałaviek atrymaŭ ciažkija traŭmy.

Fota: blesk.cz

Viadoma, što vybuch adbyŭsia na składzie z traciłam (trynitratałuołam). Prablemy ŭźnikli ŭ śpiecyjalnaj piečy, dzie rychtujuć sumieś dla patronaŭ. U palicyi zajavili, što pakul u jakaści «najbolš vierahodnaj» pryčyny vybuchu razhladajecca «parušeńnie technałohii vytvorčaści ŭ adnym z cechaŭ».

Zavod naležyć chołdynhu STV Invest, jaki vypuskaje bujnakalibiernyja bojeprypasy i patrony, dynamičnuju abaronu dla tankaŭ, a taksama zajmajecca ramontam vajskovaj techniki i pastaŭkaj zapčastak.

Chołdynh u tym liku ŭdzielničaŭ u realizacyi češskaj inicyjatyvy pa zabieśpiačeńni bojeprypasami Uzbrojenych sił Ukrainy (USU), da jakoj dałučylisia bolš za 20 krain. U 2024 hodzie Kijeŭ atrymaŭ u ramkach jaje 520 tys. snaradaŭ kalibru 155 mm, kazaŭ premjer Čechii Piotr Fijała. U hetym hodzie praca praciahniecca.

Staršynia rady dyrektaraŭ STV Group David Chac zajaviŭ, što kampanija stavicca da taho, što adbyłosia na zavodzie ŭ Paličcy, «z usioj surjoznaściu», aktyŭna supracoŭničajučy z upaŭnavažanymi orhanami. 

Kamientary da artykuła