Kitajskaja ŠI-madel zrabiła furor na technałahičnym rynku. Lidarstva ZŠA moža być pad pahrozaj
Startap DeepSeek z Kitaja ŭzrušyŭ Kremnijevuju dalinu, vypuściŭšy madel štučnaha intelektu, jakaja moža pierasiahnuć lepšyja amierykanskija anałahi, pry hetym źjaŭlajecca tańniejšaj i vykarystoŭvaje mieniej mahutnyja čypy.
ŠI-pamočnik ad kitajskaha startapa DeepSeek u paniadziełak abahnaŭ svajho kankurenta ChatGPT i staŭ samym rejtynhavym biaspłatnym dadatkam, dastupnym u App Store u ZŠA, piša myfin.by.
Heta adbyłosia praź niekalki dzion paśla taho, jak kampanija vypuściła svaju fłahmanskuju madel štučnaha intelektu R1, jakaja, jak miarkujecca, źjaŭlajecca bolš ekanamična efiektyŭnaj, čym u kankurentaŭ, pry pracy na mienš prasunutych čypach.
Na hetym fonie fjučarsy amierykanskaha technałahičnaha indeksu Nasdaq 100 źnizilisia amal na 2,5%, a kantrakty na S&P 500 — na 1,4%.
Akcyi Nvidia, jakija kacirujucca na Frankfurckaj biržy, upali prykładna na 7%, u toj čas jak akcyi Tesla, Amazon i Meta stracili ŭ košcie bolš za 2% padčas rańnich jeŭrapiejskich tarhoŭ.
U Japonii fiksujecca padzieńnie akcyj miascovych vytvorcaŭ čypaŭ, siarod jakich Advantest, Tokyo Electron i Renesas Electronics. Akcyi Softbank Group, jakoj naležyć kampanija-raspracoŭščyk mikraschiem Arm, upali na 8,3% paśla prykmietnaha rostu na minułym tydni.
Čamu važna?
Raniej DeepSeek pradstaviła svaju biaspłatnuju ŠI-madel z adkrytym zychodnym kodam, na stvareńnie jakoj, pa śćviardžeńniach startapa, pajšło ŭsiaho dva miesiacy i mienš jak $6 młn.
Pry hetym vykarystoŭvalisia daloka nie samyja prasunutyja čypy H800s ad Nvidia, bo ŭrad ZŠA nakłaŭ abmiežavańni na Kitaj, adrezaŭšy krainie dostup da samych mahutnych čypaŭ kampanii, takim jak H100.
U šerahu testaŭ pradukcyjnaści, praviedzienych inšymi raspracoŭščykami, madel DeepSeek pierasiahnuła pa dakładnaści Llama 3.1 ad Meta, GPT-4o ad OpenAI i Claude Sonnet 3.5 ad Anthropic jak u rašeńni składanych zadač, tak i ŭ matematycy i kadavańni.
Ab samim startapie i jaho zasnavalniku Lan Veńfenie mała što viadoma: DeepSeek byŭ narodžany kitajskim chiedž-fondam High-Flyer Quant, jaki, pavodle paviedamleńniaŭ u ŚMI, kiruje aktyvami na sumu kala $8 młrd.
Toj fakt, što małaviadomy kitajski startap skaračaje razryŭ ź niekatorymi z najbujniejšych technałahičnych kampanij śvietu, majučy pry hetym značna mienšyja resursy, moža padarvać namahańni ZŠA pa stvareńni mier abarony ad hłabalnych kankurentaŭ u halinie štučnaha intelektu.
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin9
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary
I, kamu cikava, kali ty razmaŭlaješ z takim intelektam jen taksama niejkuju infu pra ciabie atrymlivaja, pra zvyčki, styl inšaje. Kampartyi takija dadzienyja pieradavać dla uzmacnieńnia konctabaru , navošta?!?!?!??!?!!
Kaniečnie, hetyja dadzienyja treba pieradać masku i jaho siabram.
Jany imi uzmocniać šlach da marsa.