Jašče ŭ adnu archiŭnuju ŭstanovu pryznačyli dyrektara-siłavika
4 sakavika novaha dyrektara pradstavili kalektyvu Biełaruskaha navukova-daśledčaha centra elektronnaj dakumientacyi. Jak apošnim časam viadziecca, da archiŭnaj spravy hety čałaviek raniej nijakaha dačynieńnia nie mieŭ, zatoje ciesna źviazany ź siłavymi strukturami.
Biełaruski navukova-daśledčy centr elektronnaj dakumientacyi (BiełNDCED) zajmajecca pytańniami zabieśpiačeńnia doŭhaterminovaj zachavanaści i dastupnaści elektronnaj dakumientacyi. Jon uvachodzić u sistemu archiŭnych ustanoŭ i padparadkoŭvajecca Departamientu pa archivach i spravavodstvu Ministerstva justycyi.
Departamient pa archivach i spravavodstvu ŭ pačatku 2023 hoda ŭznačaliŭ adstaŭny hienierał Aleh Voinaŭ, nieŭzabavie paśla taho pazbaviŭsia pasady dyrektar BiełNDCED Juryj Prazarovič. I voś ciapier, amal praz hod, jamu narešcie znajšli zamienu.
4 sakavika sam Voinaŭ pradstaviŭ kalektyvu ŭstanovy novaha kiraŭnika Dzianisa Šabrova. Pry hetym, jak adznačajecca na sajcie archiŭnaj haliny,
«jon vykazaŭ upeŭnienaść u tym, što dziejnaść Šabrova ŭ minułym, jahony žyćciovy vopyt i viedy buduć sadziejničać efiektyŭnamu rašeńniu zadač, jakija stajać pierad BiełNDCED».
Zadačy pierad BiełNDCED, vidać, staviacca davoli śpiecyfičnyja, bo pierad pierachodam u archiŭnuju halinu Dzianis Šabroŭ pracavaŭ načalnikam kafiedry apieratyŭna-taktyčnaj padrychtoŭki ŭnutranych vojskaŭ Vajskovaj akademii Respubliki Biełaruś.
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka42
Kamientary