U centry Vilni źjaviŭsia nadpis «Vilnia naša» pa-biełarusku. Ale da maniery napisańnia jość vialikija pytańni
«Š» i «ł» napisanyja tak, jak pišuć ich ludzi, jakija karystajucca łacinicaj i nie viedajuć kirylicy.
U sieradu ranicaj žychar litoŭskaj stalicy vyjaviŭ na ścianie adnaho z damoŭ na vuł. Pilima (Zavalnaj) nadpis na biełaruskaj movie «Vilnia naša». Municypalitet nieadkładna adreahavaŭ na paviedamleńnie, pišuć litoŭskija ŚMI.
«Siońnia ranicaj ja zaŭvažyŭ, što fasad doma numar 5 na vulicy Pilima (u domie ŭ 1910 žyŭ adzin z zasnavalnikaŭ ideałohii lićvinizmu Vacłaŭ Łastoŭski)» upryhožany pravakatarskim nadpisam Vilnia naša i znakam, jaki simvalizuje biełaruski histaryčny ściah», — cytujuć čytača litoŭskija ŚMI.
U palicyju pra incydent nie paviedamlali, tamu rasśledavańnia nie budzie. Nadpis chutka zmyli.
U hetym budynku na rahu Pilima i Kalinoŭskaha ŭ 1909—1911 hadach była redakcyja staroj «Našaj Nivy», tut žyŭ Vacłaŭ Łastoŭski, mienavita tut spyniaŭsia Maksim Bahdanovič padčas svajoj vandroŭki z Rasii ŭ Vilniu i Rakucioŭščynu.
Adnak maniera napisańnia vyklikaje pytańni. Takoje ŭražańnie, što rabiŭ nadpis nie zvykły da kirylicy biełarus.
Vielmi dziŭna napisana litara «ja» ŭ słovie «Vilnia». Jana, chutčej, padobnaja da «D». Dziŭnaje taksama napisańnie «š», jakaja vyhladaje jak łacinskaje w. Mahčyma, tamu, što takich litar (ja i š) u łacincy niama?
Vyjava ściaha taksama vyklikaje pytańni. Biełarus, jaki nabiŭ ruku ŭ malavańni pratesnych ściahoŭ u 2020—2024 hadach, nie namaluje tak tonka siaredniuju pałasu.
Chutčej za ŭsio, nadpis zrobleny na zamovu biełarusafobaŭ.
«Siońnia haryć śmiećcie, zaŭtra buduć hareć vašy dzieci». Biełarusam Litvy rassyłali pahrozy ad imia ultranacyjanalistaŭ. Ale prakałolisia
U Vilni šukajuć ludziej, hatovych za hrošy špijonić za litoŭskimi śpiecsłužbami i zdymać akcyi biełarusaŭ
Na ŭjeździe ŭ Vilniu namalavali nadpis «Vilnia naša» z bčb-ściaham. Voś jak zamaŭlajuć takija hrafici
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka48
Kamientary