MUS Polščy: Padstavy dla pieramovaŭ ź Biełaruśsiu pa miažy jość. Naš intares — vyzvaleny Pačobut i vydača zabojcy pamiežnika
Tomaš Siemoniak raspavioŭ, pry jakich umovach Varšava pierastanie razvažać ab poŭnym zakryćci miažy ź Biełaruśsiu.
Ministr unutranych spraŭ Polščy Tomaš Siemoniak raspavioŭ ab čakańniach ad aficyjnaha Minska datyčna pytańnia zakryćcia miažy.
U efiry Radio ZET Siemoniak čarhovy raz nazvaŭ dźvie važnyja ŭmovy taho, kab Varšava nie razhladała mahčymaść zakryćcia pazastałych pamiežnych pierachodaŭ.
«My čakajem, što Biełaruś spynić spryjać mihracyjnamu kryzisu. I zrobić toje, što adpaviadaje našym čakańniam — ja maju na ŭvazie vyzvaleńnie Andžeja Pačobuta i vydačy zabojcy polskaha žaŭniera.
Jak takoje moža być, kab Biełaruś nie chacieła dapamahčy nam u rasśledavańni spravy ab zabojstvie polskaha žaŭniera? Kali ŭjavić, što z polskaj terytoryi chtości zabiŭ by biełaruskaha sałdata — takoje, viadoma, niemahčyma, ale dapuścim — Polšča b dakładna supracoŭničała ź biełaruskim bokam u rasśledavańni. Heta takija rečy, ź jakimi nielha hulać», — adznačyŭ Siemoniak.
Siemoniak źviarnuŭ uvahu na źmianieńnie rytoryki Alaksandra Łukašenki ź lipienia i niekatory spad aktyŭnaści z boku nielehalnych mihrantaŭ na miažy.
Jon adznačyŭ, što Polšča moža admovicca ad poŭnaha zakryćcia miažy — ale dla hetaha patrebnyja pieramovy ź biełaruskim bokam i vykanańnie šerahu ŭmoŭ.
«Dumaju, jość padstavy dla taho, kab samyja ciažkija prablemy [u našych adnosinach] pačać vyrašać. Ale takija pieramovy pavinny hruntavacca na daviery — tady jany buduć efiektyŭnyja. U takim napramku budziem iści, kirujučysia intaresami Polščy.
Cikavaść Polščy — heta vyzvaleny Andžej Pačobut, heta zabojca polskaha žaŭniera, jaki paŭstaŭ pierad sudom. I jašče šerah inšych pytańniaŭ, važnych dla našych adnosin», — rastłumačyŭ Siemoniak.
Jon taksama adznačyŭ, što važna pravilna aceńvać upłyŭ Rasii na aficyjny Minsk pry raźviazańni hetych pytańniaŭ.
«Heta nie niazłomnaść, heta adekvatnaść». Siabry Andžeja Pačobuta pra toje, čamu jon nie zdajecca
Vaskrasienski zaprasiŭ kiraŭnika MZS Polščy pryjechać u navapołackuju kałoniju i zabrać Pačobuta
Andžej Pačobut byŭ hatovy vyjechać ź Biełarusi — Rzeczpospolita
«Pačobut nie choča pakidać Biełaruś biez mahčymaści viarnucca» — polskija palityki
U Polščy patłumačyli, čamu rasijskaha špijona Rubcova nie abmianiali na Pačobuta
Ciapier čytajuć
Chto ciapier prapisany ŭ aficyjnaj rezidencyi Drazdy razam z Łukašenkam?18
Kamientary