Minzdaroŭja: U Biełarusi idzie rost zachvorvańniaŭ na kavid i VRVI
U Biełarusi prychodzić siezonnaść mnohich reśpiratornych virusnych zachvorvańniaŭ, paviedamiŭ hałoŭny pazaštatny infiekcyjanist Minzdaroŭja, narodny doktar Biełarusi Ihar Karpaŭ.
Jon raspavioŭ, što ŭ pieršuju čarhu havorka idzie pra adenavirus, reśpiratorna-sincytyjalny virus, rynavirus, a taksama COVID-19.
«Źmianiajucca klimatyčnyja i sacyjalnyja ŭmovy: dzieci iduć u škołu, studenty ŭ aŭdytoryi, u mnohich zakančvajecca adpačynak. I tamu my znoŭ i znoŭ uspaminajem ab prablemie vostrych reśpiratornych zachvorvańniaŭ, jakija pieradajucca pavietrana-kropielnym šlacham», — zajaviŭ doktar Karpaŭ.
Pavodle jaho słoŭ, uzdym hetych zachvorvańniaŭ čakajecca vosieńniu. Što tyčycca karanavirusa, to jaho nielha niedaaceńvać, niahledziačy na toje, što jon nabyŭ niekalki inšuju formu, udakładniŭ śpiecyjalist.
«Ciapier jon staŭ troški inšym ci što. Va ŭsich na słychu słova «amikron», jaho roznyja mutacyi. Jak my pamiatajem, šmat roznych nazvaŭ było, jakija niečakana źjaŭlalisia i trochi adpužvali», — rastłumačyŭ hałoŭny pazaštatny infiekcyjanist.
Adnak varta zaŭvažyć, što Minzdaroŭja nie publikuje sutačnuju statystyku pa zachvorvańni na karanavirus ź lipienia 2022 hoda.
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka54
Kamientary