Што значыць слова «ўбунту» і чаму яно важнае для беларусаў. Натхняльная гісторыя ад Маляваныча
Аляксандр Ждановіч, вядомы многім па «Калыханцы» як Маляваныч, цяпер робіць тыктокі ў адным з каналаў «Нашай Нівы». У апошнім з іх ён патлумачыў значэнне слова «ўбунту».
Аднойчы адзін антраполаг прапанаваў дзецям афрыканскага племя пагуляць у гульню. Ён паклаў кошык са смачнай садавіной і сказаў: «Першы, хто дабяжыць да дрэва, атрымае кошык».
Калі ён падаў ім сігнал для старту, ён быў здзіўлены тым, што дзеці пайшлі разам, трымаючыся за рукі. Яны разам дайшлі да дрэва і падзялілі садавіну пароўну.
Антраполаг спытаў у іх: «Чаму вы так зрабілі, кожны ж з вас меў магчымасць займець увесь кошык цалкам».
Дзеці адказалі: «Убунту!»
«Убунту» на іх мове азначае: «Я ёсць, таму што мы ёсць». Гэта значыць: як можна быць шчаслівым, пакуль астатнія няшчасныя?
«Усё будзе добра, даражэнькія, — падсумоўвае Маляваныч, — пакуль мы ёсць і мы разам! Убунту!»
-
«Важна захоўваць баланс паміж здаровым сэнсам і палітычнымі мэтамі». Дзяйкала пра прапанову ад палітыкаў аб амбудсмене
-
«Людзі павінны цікавіцца палітыкай». Чатыры гісторыі пра Лукашэнку, Рычарда Пайпса, савецкага разведчыка і веру ў свой народ
-
«У новым свеце няма месца для дэмакратычнай Беларусі — хіба што мы яго самі выдумаем». Астапеня і Крук разважаюць пра будучыню Беларусі
Цяпер чытаюць
За некалькі дзён да вызвалення на палітзняволеную Кульшу завялі новую крымінальную справу — чацвёрты раз4
Каментары