Якая маёмасць ёсць у Косінца? Дом у Драздах, кватэра на Гвардзейскай… І чатыры ствалы
Расказваем, што нажыў сабе намеснік Лукашэнкі па Усебеларускім народным сходзе.
Намеснік старшыні Усебеларускага народнага сходу Аляксандр Косінец упершыню перабраўся ў Мінск у 2005 годзе, калі стаў віцэ-прэм'ерам па сацыяльных пытаннях. Кватэру ў Віцебску на вуліцы Міра ён пакінуў свайму сыну Уладзіміру.
У сталіцы сям'я Косінцаў пабудавала трохпакаёўку ў доме для работнікаў «Атланта» на вуліцы Гвардзейскай, 1. Плошча кватэры — 120 м2.
У канцы 2000-х Косінцам далі і зямлю для будаўніцтва ў Драздах. Там ім дастаўся ўчастак на вуліцы Дароўскай. Катэдж плошчай 442 м2 дабудавалі ў канцы 2010 года. Ім сталі валодаць у роўных долях бацька і сын — Аляксандр і Уладзімір Косінцы.
«Белпол» падказаў, што на Аляксандра Косінца зарэгістраваныя ажно чатыры адзінкі зброі.
Якія ствалы трымае ў сябе намеснік Лукашэнкі па Усебеларускім народным сходзе?
- ружжо ІЖ-58МА
- рэвальвер ME 38 COMPACT
- рэвальвер РГ-95
- пісталет ІЖ-70.
На чыноўніка не зарэгістраваны ніводзін аўтамабіль, а вось ва ўласнасці яго сына ёсць дзевяцігадовая Audi Allroad.
Цяпер чытаюць
За некалькі дзён да вызвалення на палітзняволеную Кульшу завялі новую крымінальную справу — чацвёрты раз4
Каментары