Pra prablemy na miažy hrupy J:MORS paviedamili čaty biełarusaŭ va Ukrainie. Śpievaki na pamiežnym pierachodzie «Vystupovičy» (heta Čarnihaŭskaja vobłaść) niekalki hadzin čakali rašeńnia pamiežnikaŭ, u vyniku im admovili va ŭjeździe.
Muzyki jechali va Ukrainu na kancert, zapłanavany 14 lutaha. Ale na pamiežnym punkcie «Vystupovičy» ŭkrainskija pamiežniki skazali, što ŭ kamandy niama padstaŭ dla ŭjezdu ŭ krainu. Nijakaha dakumienta hurtu spačatku nie davali.
«Na haračaj linii havorać, što niama padstaŭ dla admovy. A sami pamiežniki nie puskajuć. Pakul što vielmi niejki zabłytany momant. Jakija padstavy jašče patrebnyja? Afišy, dva miesiacy pradajucca kvitki, usio aficyjna, nam niama čaho chavać» — kazała mieniedžarka hurta Volha.
Ale ŭrešcie ŭsio skončyłasia tym, što hurt va Ukrainu nie puścili, paśla niekalki hadzin čakańnia jany atrymali kančatkovuju admovu.
J:MORS — biełaruski rok-hurt, zasnavany ŭ 1999 hodzie ŭ Minsku Uładzimiram Puhačom i Arciomam Ladoŭskim. Dyskahrafija hurta naličvaje 8 studyjnych albomaŭ, 2 kancertnyja albomy, 2 sinhły i niekalki zbornikaŭ.
Čytajcie taksama:
U pamiežnaj słužbie Ukrainy prakamientavali admovy va ŭjeździe biełarusam. Što skazali?
«Sa mnoj było piać biełarusaŭ, nie prajšoŭ nichto». Mikita Miełkazioraŭ raskazaŭ, jak jaho nie puścili va Ukrainu
Jak pierasiakać ukrainskuju miažu ŭ novych umovach? Parady ad Biełaruskaha doma va Ukrainie
«Nie puścili mianie i dvuch rasijan». Biełarusaŭ stroha praviarajuć ukrainskija pamiežniki, niekatorym zabaraniajuć ujezd
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka54
Kamientary